الفرق بين الشب والبنت بالسرفيس

ما بدك تتطلع بالسرفيس وتأشرلو بإيدك
إذا شب بيوقف بلا نفس وبدك تركض وراه شوي لبين مايوقف وانت عم تطلع بيمشي السرفيس واذا قلتلو شوي شوي بيزورك وبتحس
انو بدو يشيل الدركسيون ويضربك فيه
إذا بنت بتلاقي الشوفير روق وظهرت ابتسامة عريضة عوجهو وبينو سنانو الحلوين والسرفيس بيبسمر قدام البنت
والشب الي جنب الباب بيفتحلا الباب والشوفير بلش يلعب بالمسجلة ويحط تامر حسني بدل أغاني العرب وبيضل يتطلع بالمراي
لحتي يتطمن أنو البنت قعدت وبعدين بيمشي
وانت طالع ممكن يخبط راسك بالباب لأن ارتفاعو غلط
فاذا كنتي بنت رح تسمعي : الله الله خير صرلك شي ؟؟؟؟ من كل الركاب و
نظرات العالم كلها شفقة و وكلن رح يضربو الشوفير لأن الحق عليه ما اشترا
سيرفيس إلو اكياس هوا مشان الصدمات
واذا كنت شب فرح تسمع العالم عم تضحك وتقول العمى ضربو مانو شايف !!!!!!! يالله بيستاهل ..شوف وين كان عم يبصبص

وقت بتسكر الباب بهدوء تبعا لتعليمات الاعلان اللي موضوع عالباب وما بيتسكر
اذا كنت بنت … دخيل الله شو هالأنوثة ليك وحتى عالباب مالها قلب تخبطو
اذا شب …. ليك التشتوش ليك مالو حيل يسكر الباب تفه عهالجيل

وقت بتسكرو بقوة
اذا كنت بنت … يا حرام اكيد معصبة من شي شغلة الله يعينها
اذا شب …. هشششش فهمنا انك قبضاي خلعت الباب يقطعمرك

وانت قاعد ممكن يجيك اتصال
اذا كنت بنت ….. ياخ ماأحلا صوتها نيالو المحظوظ .. ومعها نوكيا يا اخي مزوقة
اذا كنت شب …. تضرب انت واللي داير عليك وطي صوتك صرعتنا والله فهمنا معك موبايل

وقت بيوقفلك الشوفير وما بيكون في معو محلات أصلاً
اذا كنت بنت ما عليك الا انو تنظري نظرة وحدة لأي شب من اللي قاعدين بتلاقيه نط وقعد عالسفنجة اللي بعكس الشوفير
اذا شب دبر حالك عالدولاب واذا ما عجبك روح مشي شهههه نحنا بعمركن كنا نروح عالحسكة مشي


وقت بيكون معك اغراض
اذا بنت في مين يطالعلك ياهن وينزلن ويحطن بحضنو اذا بدك والناس شو بتقول بقلبا : يا حرام!! وين اخواتها الشباب يجيبو الاغراض
واذا كنت شب رح يقولو ؟؟ هوهوووووووو تعا حطن بحضننا !!! كلو مشان ما تاخد تاكسي لعما البخل


وقت بتطلع غنية بشعة والصوت قوي
اذا بنت الك الحق تقوليلو وطي الصوت اذا بتريد او غير المحطة والعالم رح تقول اي اي غيرا
اما اذا شب رح يلتفت عليك الشوفير ويقوي الصوت أكتر ورح يقول : ليك هالعالم ليك بدو يشترينا بالخمس ليرات تبعيتو



وقت بدك تنزل وتقول للشوفير على مهلك وما يسمع بسبب الاغاني اللي حكينا عنها من شوي
اذا كنت شب بيتطلع فيك اللي حدك وبيقلك بنظرة فوقية : ما سمع صوتك
وبينط التاني بعد ما بتمر جنب بيتك وبتقطعو وانت مستغرب انو السرفيس ما عم يفكر يوقف. وبيقلك نازل ؟؟
واذا بنت ما عليكي الا انو تفكري تفكير بالنزلة او تهمسي همس بينك وبين
حالك نزلني واسمعي الشباب كلن بصوت واحد :على مهلك على مهلك ….. نزلها ….
شو مانك سامع ؟ وبتصير مظاهرة بالسرفيس تندد تصرف الشوفير